Breyting á framkvæmd 2. mgr. 27. gr. laga nr. 44/2014, um vísindarannsóknir á heilbrigðissviði

Breyting á framkvæmd 2. mgr. 27. gr. laga nr. 44/2014, um vísindarannsóknir á heilbrigðissviði

Í 1. mgr. 27. gr. laga nr. 44/2014 segir að vísindasiðanefnd heimili aðgang að heilbrigðisgögnum vegna vísindarannsókna sem leyfðar hafa verið af nefndinni. Í 2. mgr. segir síðan að aðgangur sé háður samþykki ábyrgðaraðila gagnanna. Vísindasiðanefnd hefur þannig ekki gefið út leyfi fyrr en samþykki svo kallaðs skráarhaldara eða ábyrgðaraðila gagna liggur fyrir. Að mati nefndarinnar, og í samráði við Persónuvernd, er rétt að breyta þeirri framkvæmd. Eftirleiðis mun nefndin ekki bíða sérstaklega eftir samþykki skráarhaldara áður en leyfi nefndarinnar er gefið út. Það athugast að aðgangur að heilbrigðisgögnum er augljóslega enn háður samþykki ábyrgðaraðila gagnanna en nefndin mun ekki óska sérstaklega eftir slíku samþykki frá ábyrgðarmönnum vísindarannsókna.